Schero le pisinipeske: Josef Schmidt / Fotos: HANGO ROMA/Julius Horvath

Le farajn HANGO ROMA i patijardi buti hi, o tradicijoneli Romano Mulatintschago te kerel taj afka i kultura le Romendar le pradipeske te sikal. O tradicijoneli Romano Mulatintschago jek berscheskero kultureli fiksi punkto hi, taj oda, imar sajt 33 berscha. Ov ham andi glajchi cajt te jek ardschumintschago le kultureli mindenfelitikostar la flogoskera grupnatar le Romendar hi. Taj o Romano Mulatintschago le Romenge taj gadschenge o schajipe del, pe ar te parul taj buteder pedar i flogoskeri grupn le Romendar te schunel.

I muschika upro Romano Mulatintschago 2026 kerde o Romengere muschikakere bandi Erbataer, i Leon Berger banda taj Romano Rath taj la Bela Horvath bandatar andar o Ungriko. Te schunel sina akor meg te i Anita Wagner, savi la Austrija ando bersch 1984 uso Eurovision Song Contest fatretintscha.

Jek barikanipe taj jek but berschengeri tradicija hi o völinipe la Romengera kiralkijatar taj le Romengere kiralistar. O adaberschengere kiraltscha hi i Leoni Neisser Tenu Erbatar taj o Kevin Horvath andar Mattersburg.