Gondolipeskero mulatintschago le Romenge taj Sintijenge ande Lackenbach

O than ande Lackenbach upro bibastalo tirinipe taj upro faphageriptscha pal gondolinel, save o Roma taj Sinti maschkar i NS-cajt terdschivde. Ando 23ti novemberi 1940 ande jek aguni bari gadschikani vora o afka akardo „Zigeunerengero logeri“ Lackenbach kerdo ulo. O ande tschapinde „Zigeunertscha“ ande schtali taj pajti telal ertschave dschivipeskere koji dschivnahi taj mujsinipeskeri buti iste kernahi.

Upri inicijativa la burgenlanditika thaneskera regirungatar taj le austritike logeriskere khetanipestar Auschwitz, ando 6to oktoberi 1984, o gondolipeskero bar ande Lackenbach le agune bundakere presidentostar Dr. Rudolf Kichschläger, tel utschardo ulo. Sako bersch ando novemberi, jeke mulatintschagoha upro gondolipeskero than, le opferenge le Romendar taj Sintijendar ando pativ gondolim ol taj afka lengero dschivipe upre likerdo ol. Adale mulatintschagoha jek cajchn gejng o pobisteripe taj jeka khetana cukunftake, ando respekto taj andi pativ, beschardo ol.

Keraschtscha hi i burgenlanditiki thaneskeri regirung, o Kulturakero Farajn le austritike Romendar taj i foroskeri gejmande Lackenbach.