FORUM tschuliptschengero ischkolakero koja 2025

Telal o akaripe – vakeripe, forschinipe, keripe: Flogoskere grupnengere tschibtscha le Citizen Sciencejiha te soraljarel – o FORUM tschuliptschengero ischkolakero koja 2025, Betschiste tel likerdo ulo.

Fatretertscha andar o bundakero ministerijum le sikadipeske, andar o sikadipeskere direkcijontscha Kärnten taj Burgenland taj te fatreterkiji taj fatretertscha le flogoskere gupnendar reste pumen, khetan schajiptscha ar te butschalinel, save o flogoskere grupnengere tschibtscha horvacko, ungriko taj Romani meg feder sikan. I Barbara Heinisch, fatreterkija le Citizen Science Networkistar Austrija ande lakero anglevakeripe barikane koji taj latsche gondi la cukunftake sikatscha.

Citizen Science dschivdon ol, te manuscha khetan visenschoftlerkijenca taj visenschoftlerenca (lengere ajgeni) tschibtscha forschinde. Afka na del tschak nevo dschanipe ando tschibtschakero forschinipe, hatek afka o tschibtscha te upre likerde taj soraljarde schaj on.