O Schindleri andar i Uprutni Pulja

Andi Uprutni Pulja ando kesdipe le novemberistar 2025 akan jek dscheno patijardo ulo, savo valami 120 dschene le pasche paschlime NS-logeristar Lackenbach anglo ledschipe ando murdaripe retintscha. Odola dschene burgenlanditike Roma taj Romnja sina, save telal o NS-reschim vasch o rasistischi kategorisirinipe igen sorala diskriminacijake taj tradipeske ar bescharde sina. O ungriko baron György Gedeon Rohonczy murschen, dschuvlen taj tschaven andar o logeri Lackenbach te anel peske mukla – oficijeli ojs pekamle butjakere sorja leskera „barikana haburiskera“ gadschikana vorake. Tschatschikan, ov le arakime dschene ham le pekamle kojenca fasorginlahi taj butenge te uso naschikeripe pomoschintscha. O gondolipeskero bar andi Uprutni Pulja o erschti andi Europa ovla, savo solidarischi handlinipe – oda latschipe le Romenge taj Romnjenge antscha - ando pradipe patijardo ol. I muschika use ada sentelinipeskero mulatintschago kertscha i Leon Berger banda.