Schov tschibtschakeri tschavengeri kenvakeri presentacija „Marhengero dikipe“ 2025

Ando 17to oktoberi 2025, o UMIZ4KIDS – dschene ando kulturakero kher Tenu Erba o 15 berschengero jubilejum mulatinde. Odoj i schov tschibtschakeri tschavengeri kenva „Marhengero dikipe“ le László Devecserystar, le Imre Lutteristar taj la Katharina Dowasatar angle terdschardi uli. O kipi adala schov tschibschakera kenvake kertscha i kinstlerkija Viola Karal.

Palo pradipe o tschave taj o tschaja la khelipeskera ungrika tschavengera oratar le BUKV-istar, o ischkolaschtscha la duj tschibtschakera flogoskera ischkolatar Tenu Erba, la duj tschibtschakera flogoskera ischkolatar Güttenbach, la EMS-atar Erba, la flogoskera ischkolatar Erba taj la „Gárdonyi Géza“ flogoskera ischkolatar Sárvár muschikakere taj khelipeskere falati sikade.

Tikne historiji ande mindenfelitike tschibtscha, save ando Burgenland vakerde on, dschenendar andar o flogoskere grup taj avre dschenendar gende ule. Upre ada paloplane jek feschtimo tradipe sina, mint o tschave taj o tschaja taj te igen but kherodaschtscha taj kherodaschkiji ande marhengere rontscha uso 15 berschengero jubilejumiskero mulatintschago le UMIZ4KIDS dschenendar ale.