Telutscharipe taj sentelinipe le Romengere-gondolipeskere barestar Grunate
Valami 200 Roma taj Romnja angle lengero ledschipe ando bersch 1938 Grunate dschivnahi. O Romengero-gendo ando gav buteder sar 40 procenti sina. Palo haburiskero kisetinipe tschak schtar Roma ande lengeri hajmatakeri gemajnde Gruna pal ale.
Kurke, ando 6ti juli 2025 Grunate akan o 27to telutscharipe taj sentelinipe jeke Romengere palgondolipeskere cajchnistar ando Burgenland dija. O gondolipeskero bar upro Grunakere tradime taj murdarde opfertscha le nacijonalsocijalismusistar, barikano upro dschene le Romendar, pal te gondolinel.
Pal i ökumenischi mischa, savi o diöcesjakero baro raschaj Ägidius Zsifkovics taj o superintendento Robert Jonischkeit likerde, upro than la römischi-katolischi filijalakera khangerijatar Gruna, telal o muschikakero vodinipe la bandatar Post Meridiem, o gondolipeskero bar tel utschardo taj sentelim ulo.
Kerdo ulo o Romengero-palgondolipeskero bar la masuna tschajengera gemajndejatar A.B. Gruna, le römischi-katolischi raschajengere gemajndejakere rotistar Mariasdorf, la butjakera karikatar Gruna taj le "CONCENTRUMISTAR - forum la politischi, etnischi, kultureli taj socijali ökumenejake".
