Schero le pisinipeske: Josef Schmid Roma Service / Verena Stampf PPH Burgenland

Sridon, ando 14to maj 2025 telal o vodinipe la Verena Stampfatar jek bajder sikadipe le meschterkijenge taj meschterenge, save religijona ando ischkoli sikan, sina. Telal o akaripe „Gondolipe ojs cajchn le andphandlipestar le opferendar ande amaro khetanipe! „Palgondolipeskeri kultura ojs koja uso paloda kerdo andphandlipe opferendar le faschismusistar ande amaro khetanipe“, upro sikajipe le gondolipeskere thanestar upro opfertscha le nacijonalsocijalismusistar ande Langental upre butschalim ulo, sar o Burgenland, taj te amen i „generacijona, savi palo haburi upro them ali“, le historijakere uprebutschalinipeha dschijas. Anglevakeraschta ande ada barikano paloplane sina o Josko Vlasich, aguno pedagogo taj o Peter Kedl, kinstleri taj keraschi le gondolipeskere thanestar.