Schero le pisinipeske: Romani

Ladipeskero "Klassenzimmer", ladipeskero kher fi pomoschagoskero porotintschago, duach leskeri "Infothek" informacijakero centrum, kominicacijonakero centrum taj te meg - o projekto RomBus but avre koji kerla .Barikani buti lestar ovla o pomoschago le fatschuvtschenge ando siklipe, pomoschago ando siklipeskere koji taj romano sikajipe taj ada sa schaj ando Roma-sidlungen kerdo ovla. But kontakto le dajenca ta dadenca taj le meschterenca sar mulatintschagi ande ischkoli akan te romane fatschuvtschenge avrutne Erbatar taj Tenuerbatar schaj kerdo ol. O RomBus trin divesa ando kurko pal jek ladipeskero plan priko 20 sidlungen taj gava ando burgenland taj andi Telutni Austrija kher rodla.
Pasche mer i funcijona ojs 'ladipeskero Klassenzimmer' anel RomBus te informaciji ando gemajntscha, pfarren taj avre institucijonenge. Afka o RomBus te jek projekto vodinel sar o keripe gondolipeskere tablinendar ando temetischtscha ande odola burgenlandike gemajntscha, kaj anglo o 2. haburi Roma sidlungen sina taj kaj o Roma na buter pal ale. I "Infothek" le busistar - kenvi, filmtscha, CDs taj CD-ROMs - schaj getschen lim on. Vodime worshops taj anglevakeriptscha pal phutschajipe ar kerde on.

O projekto meg ando maj 2005 kesdinel. O erschti masektscha ojs probalintschago taj goschakero keripe le ladipeskero planistar te dininen, taj akor o RomBus meg ande ada bersch angle tertschardo ol.