Jesen u Oš Frakanava-Dolnja Pulja

Šara jesen u znaku kostanjev i tikvov – tako i u našoj školi! Školarice i školari Osnovne škole Frakanava-Dolnja Pulja su uživali ove jesenske poslastice i se pri tom  naučili puno novoga. S velikim veseljem su kušali kostanje iz Selca i se bavili pitanji: Kako raste kostanj na drivu? Kako izgleda kostanj iznutra? Ča moremo iz njega načinjit? Konačno su dica sada pravi stručnjaki za kostanje.

U okviru hrvatskoga predmeta su školarice i školari tretoga i četvrtoga razreda sami mogli sprobirati ča iz tradicionalne gradišćansko-hrvatske kuhinje. Puni elana su ruljali tijesto, a onda su šare tikve iz domaćih vrtov fino poribali. Zatim su načinjili takozvane "lepnje" ili ‘‘bučnjake“ i je porinuli u peć. Dokle su se lepnji pekli, su se dica razgovarala o plani za jesenske praznike. Puni veselja su pak lepnje kušali i uživali!  Tako su imali školarice i školari Osnovne škole Frakanava-Dolnja Pulja lip završetak jesenskoga časa u školi!